Di malaysia, na KLCiCi
Hideh turuki, meunara puteh
Katroh roe raya, bak idul fitri
Jeulah ka pasti, desya ta peugleh
Ta meu'ah desya, jaroe ngon gaki
Akhi ngon ummi, ban sigom wareh
Kadang na dawa, yoh masa lawi
Jinoe ta peuli, mandum beu abeh
Uloen nyoe hamba, chiet kadeuh dali
Chiet deuh teu bukti, desya meutindeh
Teuma syedara, jinoe keumbali
Bek le meubeunci, lagee uroe jeh
Meu'ah loen pinta, nyang ka teujadi
Meunyoe bit neubi, trimong geunaseh
Hana le desya, bak idul fitri
Hate bit suci, lagee ie puteh
seulamat uroe raya idul fitri 1438 h
lakee meu'ah lahe ngoen baten